3點睇出職場上邊啲人信得過!

一個人講嘅說話唔代表佢嘅行為或為人,講到幾有大志、幾有心,但行為完全係另一回事嘅人,喺職場上大家都遇過唔少,不解釋喇,最重要係要識得保護自己,而保護自己嘅第一步,就係睇下可信任嘅人都有啲咩特質。



職場上信得過嘅人的特質

特質 1 佢哋持續實現承諾

有啲人經常話呢樣唔好、嗰樣唔得,好似唔係好易話為咁,不過都要睇返佢哋應承過嘅嘢,結果有無做到。

如果你發現佢哋次次應承咗喺嘢都交足功課、點都死到出嚟,咁説明佢哋唔會順口開河、為咗扮好人而答應啲不可能嘅任務,佢哋咁做反而係重視個人聲譽同做事認真。 

相處小貼士:佢哋咁識 say no,係有啲難以接近,但係如果同佢哋「交到心」嘅話,你同親佢合作,都可以放十萬個心。 

咁點「交心」呢?唔使拍馬屁嘅,只要一有機會同佢合作嘅時候,都係盡全力去做、有理有據,佢哋自會識英雄重英雄。 

特質 2 佢哋做自己

佢哋未必睇落最「正常」、「光鮮」,無論喺打扮上或日常相處上,或者佢哋著得薯薯哋、悶悶哋、講啲笑話唔係咁好笑。

但佢哋忠於 who they are,唔會因為一啲無傷大雅嘅事而介意、比較,甚至扭曲自己去迎合別人,佢哋亦唔會因為怕受到攻擊而唔去表達自己嘅想法同立場。

呢類人點都好過因為接受唔到意見而亂吹一通、扮同意大家嘅嗰啲假人,起碼你唔使成日防住佢會唔會暗箭傷人先,清楚佢哋嘅立場同底線喺邊。

相處小貼士:對佢哋要夠直接,佢哋最討厭啲表裏不一嘅人。

特質 3 佢哋有原則

有啲人無論做幾細微嘅事都好,就算無人睇到,佢哋都會跟住自己嘅信念、原則去行,做佢認為正確嘅事,衰咗,佢地會挑起責任去面對。

你可以話佢哋做事死板,但佢哋就係喜歡一板一眼、從根本做起,唔鍾意走捷徑。

相處小貼士:對佢哋要夠坦白,即使大家立場唔一致,都要俾佢明白你嘅立場、面對緊啲咩情況。

不妨邀請佢同你搵出一個大家都接受嘅方案,有原則唔代表萌塞、唔肯幫助別人,係咪?

keywords Keywords:

You may also like