細菌出沒注意!

喺日常生活中,有咩要我哋成日用手接觸?認真諗吓,由出門搭lift開始,我哋嘅雙手不斷接觸唔同物件,成為「幕後黑手」(笑)。咁你又有無好似幼稚園學生咁,時時勤洗手?

早前韓國做過一項調查,就公眾經常接觸嘅6樣嘢進行衛生測試,按每1.55平方吋範圍內聚集嘅細菌群落數目,計算出細菌嘅密集程度。結果發現,當中超市或大型商場嘅手推購物車扶手嘅含菌量係最高、有1,100個細菌群落,係洗手間手柄嘅3倍幾;其次係cafe嘅滑鼠,第三係巴士上嘅扶手;再之後先係洗手間門柄、電梯內嘅按鈕同地鐵車廂內嘅扶手。

而眼見唔到,唔代表無細菌。所以大家食飯前,記得要用梘液洗手!

keywords Keywords:

You may also like