如何幫自己解夢?

好多人對自己嘅夢境都好感興趣,尤其係一啲奇奇怪怪嘅夢,好想知道當中嘅意思。要解夢,買本解夢字典其實作用不大,因為夢境係你了解自己潛意識嘅通道,如果你同朋友都發夢見到隻狗,意思都會唔一樣,所以解夢靠自己反而最實際。

自己解夢,最主要就係運用「自由聯想」,方法係當你瞓醒嘅時候,即刻寫低你嘅夢境,對於夢境出現過嘅嘢,撇開任何邏輯推理,憑你嘅直覺,會即時諗到啲乜?俾你咩感覺?你覺得同現實中嘅邊個人、邊件事有關?

例如你夢見一隻可愛嘅小狗,自己好開心咁同佢玩,而你聯想到嘅係祖母以前送俾你嘅一隻snoopy公仔,咁呢個夢就可能代表你好掛住祖母。

記得放本簿喺床頭,咁你一醒就可記低夢境,否則會好易唔記得。

keywords Keywords:

You may also like