放鬆心情!3個另類減壓法

要講減壓嘅方法,坊間不外乎深呼吸、睇書、聽歌等,無新意亦唔見得特別有效。而有幾種紓緩嘅另類方法,雖然未必一定work,不過喺嘗試嘅過程中,可以分散一下注意力,或者已經可以達到減壓嘅目的啊!

*擁抱大樹
據說擁抱大樹可以釋放體內嘅快樂激素,令人精神爽朗。而與之對立嘅腎上腺素,即壓抑激素就會消失。

*睇恐怖片
英國有專家表示,當人感到工作有壓力,係源於佢哋對工作嘅責任感。呢個時候佢哋需要嘅係鼓勵,從而令當事人提起精神。所以與其通過放鬆技巧嚟克服壓力,倒不如激勵自己去面對充滿壓力嘅情況,例如去睇一場恐怖電影。

*著上稱心嘅舊衣服
著上一條平時心愛嘅舊褲子,再套一件鬆衫身,你嘅心理壓力不知不覺就會減輕。因為著咗好耐嘅衫會令人回憶起某一個特定時空嘅感受,並深深地沉浸喺緬懷過去如夢般嘅生活眷戀中,人嘅情緒都會高漲啲!

keywords Keywords:

You may also like