心理測驗:最適合你的減壓良方!

TEXT: juju

心理測驗, 壓力, 減壓, 都市生活, 放鬆

都市人生活壓力大,個個都話要減減壓,有人要打kick boxing出一身汗,有人靜靜哋聽音樂先靜到心,每個人啱使嘅減壓方法都不盡相同,玩玩呢個測驗,睇下邊種方法最啱你!

風和日麗,你同一大班朋友去遊船河,浸浸水、釣釣魚,呢日你心情勁靚,期間隻船會停低一、兩個鐘,你打算趁呢個時間休息吓,你會揀去船嘅邊個位置休息?

A. 船頭甲板

B. 船嘅最上層

C. 入船艙

D. 去船尾

心理測驗, 壓力, 減壓, 都市生活, 放鬆

分析:

揀A:出外散心

船頭代表住想移動,你內心一直埋藏住想離開呢度、去外地旅行/居住嘅念頭,建議你諗辦法放個長假,盡情get away,俾異地風情幫你洗滌心靈,即使放唔到長假,起碼可以搵幾日飛去日本、台灣浸吓溫泉。近近哋周末去海邊睇吓海、吹吓海風,都可以幫你減到壓。

揀B:味覺刺激

遇到唔如意事時,只要去搵啲好嘢食、行街買吓心頭好,你嘅心情就會好起嚟,不過都要有節制先得,如果唔係好易引起其他問題。你屬於比較介意自己喺其他人面前表現嘅類型,成日想自己表現到最好,要減少壓力,就要學習唔好對自己咁嚴苛,接受自己嘅瑕疵,唔好俾咁多壓力自己啦!

心理測驗, 壓力, 減壓, 都市生活, 放鬆

揀C:約friend去玩

船艙係乘客聚集、傾偈嘅地方,揀呢度嘅人好享受一大班人嘻嘻哈哈嘅樂趣,所以當你情緒低落時,最好就係約啲好朋友出嚟,將咩悶氣、冤屈倒晒出嚟,你即刻會覺得舒服晒!重視朋友嘅你唔會淨係當啲friend係出氣袋,心情好時,你一樣會同佢哋出去玩,到佢哋唔開心時,你都會樂意奉陪。

揀D:個人空間

你目前嘅狀況可謂身心俱疲,做咩都無乜心機。你最需要嘅係空間,一個人靜吓,唔好上網啦,自己煲吓劇、睇吓書、煮吓咖啡,都可以令你感覺放鬆,慢慢動力就會返返嚟,千祈唔好勉強自己去迎合別人。有咩心事,就搵最知己嘅朋友傾下吓,知道世上有人明白、支持自己,感覺會好好多。

You may also like