Sammi充滿正能量的7大妙法!

TEXT: 韋寶

近年小編真係越嚟越欣賞Sammi(鄭秀文),因為時刻都充滿正能量嘅佢,散發出一種既獨特又富個性嘅女性美!到底佢點可以時刻都咁有正能量?

sammi, 歌手, 生活sammi, 歌手, 生活

1. Sammi於微博表示:「吞進快樂,記住了美好的。」

好鍾意Sammi呢句說話,因為人生總有高低起跌,有快樂,都有哀愁。所以,儲起快樂嘅記憶,記住美好嘅事,就可以儲夠能量去面對人生中嘅各項挑戰喇!

2. 享受美食

sammi, 歌手, 生活sammi, 歌手, 生活

有睇開Sammi微博嘅都知,佢好鍾意食牛,但同時又會食好多有益同健康嘅嘢,例如被Sammi形容為「健康又飽腹」嘅豆腐、菜蔬芝士夾餅,而且佢鍾意食穀物加堅果做早餐架。

sammi, 歌手, 生活sammi, 歌手, 生活

Sammi曾於微博表示:「每天吃進至少四種至五種顏色的蔬菜已經成了每天飲食習慣。不吃不慣喔!不為甚麼瘦身原因(因為我也沒有需要減肥,但想維持有限度的肌肉感),現在吃得更健康,是向着健康角度出發。而牛,依然是我的大愛、摰愛。牛柳是很好的選擇。」

品嘗美食帶嚟嘅快樂真係非筆墨可以形容,只要放縱完,食返有益同健康嘅嘢、飲食均衡嘅話,你就會健康又快樂!

(p.s.由於食嘢真係有quota,好似小編咁,壞膽固醇踩界了,所以記得睇CG!嘅試食報告,揀最好嘅嚟食,唔好浪費咗啲quota呀。推介文章:編輯試食!7間卷蛋大比併編輯試食!9間雪糕、雪條店大比併

3. 工作時全程投入

sammi, 歌手, 生活sammi, 歌手, 生活

Sammi曾於微博表示:「廣州一站,完成了。一連兩埸,可以付出和消耗的,都交出。」又話過:「每次做演唱會的準備都確實很累很累,像飲了一杯苦茶很苦澀,但每次完成後又有種喜悅,像談了一次戀愛很甜蜜。愛戀大概也就是如此這般在苦又甜之間,徘徊進出。」

人生有好多時間都用喺工作上面,如果你返工嗰陣毫無動力、一啲成功感或者開心嘅感覺都冇,咁你就要好好諗下點解會咁,同埋搵出解決嘅方法。因為當你可以投入工作,並享受當中嘅過程,人生先有動力同滿足感。好似小編咁,你哋俾我哋嘅每一個like同留言,都係小編嘅工作動力呀!

4. 放假時讓腦袋盡情放空

工作時全程投入,但放假時真係要俾自己放假。如果你放假嗰陣都成日諗住公事,擔心呢樣擔心嗰樣,想有正能量都幾難。所以放假嗰陣,就要盡情relax,俾腦袋放空,好好休息!

sammi, 歌手, 生活sammi, 歌手, 生活

好似Sammi咁,就曾經打趣說:「一邊試弄新菜式,一邊聽著同一首歌:Silhouette. 今天只想relax and 放空。( p.s. 菜式最終大抵不會成功,因為做菜實在不可以過份放空)。」
5. 運動時嘅心態

無錯,運動係會令人釋出多巴胺,可以令人放鬆,同時會有開心嘅感覺。但如果你覺得做運動係苦差,一啲都唔enjoy個過程,咁你就會變咗苦瓜乾喇。

sammi, 歌手, 生活sammi, 歌手, 生活
經常都喺微博post運動後嘅「戰績」、熱愛做運動嘅Sammi,曾經喺微博表示:「剛剛帶著這心境去完成運動。(運動乃是一種獎賞而非懲罰)」小編覺得呢個諗法好好呀!

6. 知足常樂

有冇發現人大咗,就唔再好似細個嗰陣咁,會為小事而快樂?

sammi, 歌手, 生活sammi, 歌手, 生活

好似Sammi咁,戴上呢個哈哈笑耳環就咁開心。佢仲喺微博話過:「笑容是最好的化妝是常識吧!」所以當你知足常樂,就可以笑口常開啦!

7. 享受下廚樂

經常宅在家中無所事事,個人又點會開心?所以一定要有自己嘅興趣!好似Sammi咁,就好鍾意煮嘢食啦!

sammi, 歌手, 生活sammi, 歌手, 生活

Sammi曾於微博表示:「只想快些忙完工作,能日日泡在廚房試弄新菜式。最近太忙,只能煲一個湯。等待有空做下一個新嘗試:古早味油飯。」

所以如果你冇乜嗜好,就不妨報讀唔同嘅workshop,睇下自己鍾意啲咩。又或者,試下好似Sammi咁整下嘢食,享受下廚嘅樂趣呀!

圖片來源:微博

keywords Keywords:

You may also like