BB相曝光!小小春Jasper眼仔瞇瞇,嗯哼NeiNei小泡芙萌爆甜笑

P

播出而來都大受歡迎嘅《爸爸去哪兒5》已經「殺青」喇,意思即係仲有幾集就要同一眾可愛嘅寶貝們講再見,難怪網友們都話好唔捨得啊!接近兩個多月嘅播放,大家睇住小暖男Jasper、花心搞笑嘅嗯哼、乖巧懂事嘅NeiNei、弟弟、甜美可愛嘅小泡芙同小山竹,真係笑料百出,同時又窩心感人,每次睇都會哈哈大笑,就連村長都話:「這一期的爸爸去哪兒超級好看!十秒鐘笑一次,更有許多感動!和小天使在一起,真的忘記了時間」。

《爸爸去哪兒5》仲有幾集就完,一班爸爸都由唔熟識,變成了感情很好嘅兄弟,連小春爸爸變得開朗和有耐性(Jasper最開心了)。

在等待新一集出現前,就不如看看一眾寶貝們BB時期嘅可愛模樣啦,完全係治癒寶寶!

1. 小小春

今年4歲嘅小小春Jasper於2013年7月1日出世,原名係陳胤捷,活潑嘅個性加埋體貼嘅舉動,令佢成日大家嘅小暖男,可惜嘅係小春爸爸已講過,拍完《爸爸去哪兒5》後,小小春就唔會再出面幕前了!(姐姐表示好唔捨得啊!)

BB時期嘅小小春超似爸爸陳小春,加埋包包嘅臉珠,太萌了!

2. 小泡芙

令嗯哼同陳小春都融化掉嘅小泡芙原名叫劉宇芙,喺台灣出世同生活,爸爸係台灣藝人劉畊宏,而媽媽王婉霏係環球小姐,所以小泡芙步遺傳到爸媽嘅強大基因,樣子甜美可愛。

小泡芙在家中排第二,仲有一個哥哥同妹妹,三兄妹感情好好,成日一齊玩!

而小泡芙細個嘅時候超級可愛,肥嘟嘟的,就連契爺周杰倫都好疼錫佢。

小時候嘅泡芙已經係個開心果,眼仔大大又愛笑,帶俾人好多歡樂。

同哥哥感情好好,成日要逼埋一齊坐。

3. 嗯哼

我們嘅嗯哼大王人仔細細,但係已經好識氹女仔,加上白雪雪嘅皮膚同圓碌碌嘅眼睛,長大咗一定不得了!嗯哼原名係杜宇麒,原來因為自小已經話好多,所以就被改花名做「嗯哼」,而英文名係Daniel,原來因為媽媽鍾意吳彥祖(Daniel),激到爸爸扎扎跳。

出生於北京嘅嗯哼個性活潑、貪玩,又有小聰明,最鍾意同小小春Jasper鬥邊個大。

而細細個嘅嗯哼好似混血王子,好靚仔啊!

一歲嘅嗯哼著起白色西裝,又Gel起頭,帶住「小女友」去婚禮,融化姐姐們嘅心啊!

4. Nei Nei

吳尊大女Nei Nei喺《爸爸去哪兒5》成為一個乖巧又懂事嘅大姐姐,年紀輕輕就已經識得幫爸爸照顧弟弟,照顧其他小朋友,的確係一名乖乖女!

Nei Nei原名吳欣怡,今年7歲,2010年10月出生於文莱,2013年10月2日,吳尊为新書《決定勇敢》出席記者会,並喺記者會上,公開自己已為人夫、為人父嘅事實。

Nei Nei係一個乖巧又勇敢嘅小女孩,《爸爸去哪兒5》中有一個任務係交換寶貝,Nei Nei面對與爸爸的分離並沒有哭,亦沒有大吵大鬧,後來村長問她點解會乖乖地接受任務,Nei Nei就話:「因為爸爸想我勇敢」,這一句話令吳尊忍唔住流下眼淚,場面感人。

呆呆嘅Nei Nei加埋個小菇頭,真係好萌啊!佢仲係爸爸吳尊努力工作嘅動力。

 

4歲時嘅Nei Nei仲有絲絲baby fat,圓圓嘅面仔好得意。

You may also like