有嘢食有嘢送!Clockenflap必去打卡叉電位 CAMPER Kuuchi Café

HY

今個周末就係年度音樂盛事Clockenflap舉行嘅日子,除咗睇到唔同音樂單位嘅精彩演出,當然唔少得其他藝術表演, 以及各類型嘅休憩空間!CAMPER今年就喺Clockenflap場地擺設Kuuchi Café,等大家食嘢飲嘢抖吓,叉夠電再去玩!


搶眼活力設計,打卡必去!

今年Kuuchi Café的場地設計十分有心思,以粉紅色、黃色、藍綠色等顏色做背景,有活力得嚟又吸睛。之外,仲有幾何拼接圖案、CAMPER巨型燈牌同彩旗。即使場地咁大,都可以一眼望到休憩點喺邊啦!

節目中途叉電好選擇,仲有DIY鞋袋送!


Clockenflap每日由中午一路去到夜晚,十幾個鐘咁長,中間一定要叉吓電補充能量。Kuuchi Café就提供多款精緻美食,例如林明頓蛋糕、杯裝蛋糕及牛角包等,俾大家醫吓肚。


唔止呀,喺café購買價值$120的The CAMPER Special套餐(任何2件食品及2杯飲品),憑發票仲可以喺café嘅DIY攤位自訂CAMPER麻質鞋袋1個!DIY鞋袋提供5種鞋袋顏色同5種索繩顏色俾參加者mix & match,工作人員會即場幫大家印上自選嘅英文字母喺袋上面。有得設計自己嘅專屬鞋袋,又有得食嘢,好吸引呢!

限量CAMPER戶外摺疊椅!

CAMPER仲為Kuuchi Café推出專為戶外活動而設嘅摺疊椅,由11月17日起凡於CAMPER專門店消費滿$3,500,即可免費獲取摺疊椅一張,實用又有收藏價值。數量有限,送完即止㗎!

 

Clockenflap 2017詳情

日期:2017年11月17﹣19日(星期五至日)
時間:11月17日:下午5時至11時
         11月19日:中午12時至晚上11時
地點:中環海濱活動空間

網站:http://www.clockenflap.com/zh-hant

 

 

延伸閱讀 >>> 與閨密回憶青春!美心推出Hello Kitty、布甸狗迷你蛋糕

延伸閱讀 >>> 鬆弛熊陪你過聖誕!打卡位勁多:3米飄雪水晶球,鬆弛熊波波池,迴旋滑梯免費玩

You may also like