迪士尼春日嘉年華5大必玩!

TEXT:P

終於捱過3月,4月有長假期喇,係時候計劃定同朋友去邊到玩啦!諗住留喺香港嘅朋友都唔使灰心,因為香港都好多地方可以去架。香港迪士尼最近就推出繽紛又熱鬧嘅「迪士尼明星春日嘉年華」,玩足一日都無問題啊!

春日迪士尼必玩位一: 

超過30位迪士尼人物換上春天新裝見大家,仲會參與全新嘅「迪士尼明星嘉年華列車」巡遊,有米奇米妮、唐老鴨、Chip n Dale等等,超開心啊!每日嘅下午就會巡遊架啦,記得要擺個靚位啊,可以同佢哋互動、跳舞。

春日迪士尼必玩位二: 

嚟緊係復活節,去迪士尼就緊係要尋蛋啦!近百隻迪士尼朋友化身成趣緻花蛋,今次仲有首次亮相嘅鐵甲奇俠、蟻俠等等,俾啲眼力,就會發現到處都有佢哋嘅蹤影架啦!

春日迪士尼必玩位三: 

隨住迪士尼明星登場,樂園同埋酒店都齊齊推出55款主題美食,有樣有味道,真係好可愛,睇見都開心啊!幻想世界「皇室宴會廳」、美國小鎮大街「大街餐廳由Coca-Cola呈獻」嘅「Duffy & Friends春日下午茶」、「市集餅店」等等,菜式非常豐富啊!

好精緻嘅美食啊!

Duffy棉花糖好可愛!

仲有美女與野獸美食,粉絲唔好錯過!

超靚迷你烤鍋!由3月至6月,皇室宴會廳同大冒險家餐廳,將會每月推出一款特色「米奇迷你烤鍋」,可以以$88選購,仲會配送特色甜點。

Duffy Cupcake好可愛!

春日迪士尼必玩位四: 

為慶祝「迪士尼春日嘉年華」,樂園特別推出130款全新春日限定精品,有好多好可愛嘅新品,winniw the pooh、duffy & friends、米奇米妮等等商品,真係好想帶晒佢哋返屋企!

Duffy & Friends嘅精品夕咗好多啊!

春日迪士尼必玩位五: 

以「迪士尼明星春日樂園」做主題嘅創意園藝都好搶眼!卡通人物遍佈成個樂園,可以賞花之餘,仲可以同鍾意嘅卡通人物們影相,記底開心嘅時刻!

keywords Keywords:

You may also like