手捧星星!女生最不能抗拒的滿天星花束

TEXT: Alva L. & P

每位女生都鍾意收花,就算口頭上話唔一定要花、花容易凋謝、佔位置,但收到嘅時候相信都會係開心嘅!無論係配鮮花定乾花,都一定會搵到滿天星嘅身影!滿天星除咗可以做配角襯托出其他大花之外,自己都可以做主角!近年香港花店同淘寶都有好多滿天星嘅花束,大花束可以送人;細花束可以做裝飾,各位喺買禮物俾朋友或者女朋友又有多個選擇喇!

花束以韓國風格為主,配色好清新!而且滿天星可以直接製成乾花,放到好耐架!

F.f Floral.fun 一大束滿天星係咪好有文藝嘅感覺呢,哈哈!

配埋灰色花紙,送俾文青/氣質女友最岩!

呢款彩色滿天星人氣超高啊,夢幻嘅配色,女生見到一定好開心!

將唔同顏色嘅滿天星放埋一齊,好似一粒粒糖果!

粉色系花束充滿少女感,真係好靚呀!

花木FaMuk 仲加入束束棉花,令扎花望落更加清新同好睇!

除咗螢光彩色滿天星,另外仲有型格少少嘅顏色,好似係藍色、紅色、紫色。

細花束可以佈置房間,亦都可以用嚟做拍攝道具!例如大家想影下新買嘅飾物或者化妝品,都可以放細花束喺隔離點綴下!

滿天星真係點襯點擺都好靚,鍾意影相嘅女生必入啊!(圖片來源:Tao Bao NaNa 花坊

keywords Keywords:

You may also like