親身整!只屬於你的合味道杯麵

TEXT: Karen C.

有多款配料任你揀!DIY 設計杯麵。將麵餅放進杯中。選擇喜歡的湯底和配料。密封杯蓋。將杯麵放入充氣袋中。

雖然我仲未有機會去大阪旅行,但好多朋友去過都話一定要去「合味道杯紀念館」,可以親身整你喜愛嘅合味道杯麵,好好玩!而家就有好消息喇,日清食品有限公司決定將呢個工作坊帶來香港,唔使飛去大阪都有得玩啦!

為期七日嘅「我的合味道工作坊」香港展館將於下星期開始喺荃灣愉景新城舉行,今次更加係第一次將工作坊移師海外,大家可以發揮你嘅創意,由杯身設計,到選擇自己鍾意嘅湯底同配料,親身製作獨一無二嘅原創杯麵,完成之後仲可以同你嘅作品影一張免費的即影即有相片!

今次香港展館除咗有「我的合味道工作坊」外,場內仲會展出多款極具意義的經典合味道杯麵歷史展品,例如世界最早的太空即食麵、各個國家的特色杯麵等。而且現場更會有一個高達5米嘅巨型合味道杯麵模型架!

提提大家,古巨基將會出席首日嘅開幕典禮,到時仲會展出由佢親身繪制嘅杯麵架!

P.S. 以上照片係大阪「我的合味道工作坊」活動相片,香港的形式或許會有差異。

「我的合味道工作坊」
日期:2012年12月13日至19日
開放時間:下午5:30至晚上9:00 (12月13日開幕日)-晚上8:30最後入場
                    上午11:30至晚上9:00 (12月14-19日) -晚上8:30最後入場
地點:荃灣愉景新城購物商場──第一層天幕大堂
網址:http://www.mycupnoodles.com.hk/
參加費用:港幣20元 (門票於即場發售,名額有限,售完即止。)
自選材料:1. 湯底4選1 (海鮮味、香辣海鮮味、咖喱海鮮味、鮮蝦味)
                    2. 配料12選4 (粟米、蝦、蔥、椰菜、墨魚、甜紅椒、雞肉、蟹柳、牛肉、蛋、泡菜、芝士)

贏取「我的合味道工作坊」免費門票 (名額15個)

現只須於12月10日前,在以下CosmoGIRL! 官方網站的文章留言區分享你最喜歡那一款合味道杯麵及說明原因,寫得最好的15位就有機會獲得「我的合味道工作坊」免費門票2張 。

條款及細則:

  1. 換領地點:荃灣愉景新城購物商場 – 第一層天幕大堂《我的合味道工作坊》展覽館
  2. 活動時間:早上11:30 至 晚上9:00 (12月14日至19日)(晚上8:30最後入場)
  3. 即場換領日期:2012年12月14日(星期五) 及 12月17-19日 (星期一至三)
  4. 派籌時間:於每日開放時間約30分鐘前派發。
  5. 此免費門票只適用於星期一至五,並在領取當日立刻使用。
  6. 所有參加者均須按到場先後順序排隊領籌,以安排參加工作坊的時間。
  7. 門票必須於指定日期及時間內領取,逾期領獎,恕不受理。
  8. 免費門票不能兌換現金及其他產品。
  9. 如有任何爭議,CosmoGIRL! 及主辦機構保留最終決定權。
Keywords: 

Comments (33)

Chan Kai Bon's picture

最喜歡咖哩味道,因為食落去好像咖哩薯片的味道,很好味,很有童年時食卡落b的感覺

allin's picture

香辣海鮮味, 少少辣, 味道好! 

ay0184's picture

喜歡香辣海鮮味杯麵,因為有蝦、墨魚、蟹柳辣辣地好好食,合味道杯麵快靚正~~!

Alice Ho's picture

最喜歡香辣海鮮味合味道杯麵因為我鐘意冬蔭功感覺,只要香辣海鮮味合味道杯麵,加上少許檸檬汁...好味>///<

janus_char's picture

最喜歡香辣海鮮味。 因為夠惹味,微辛嘅感覺份外暖胃同滿足。好鐘意啲黃色嘅雞蛋配料,索埋啲微辣嘅湯汁,超好味

winmay's picture

我最喜歡香辣海鮮味^^~因為少少辣,好姿味,次次我都會連湯飲晒好滿足~

wingtal's picture

最喜歡香辣海鮮味!!!! 少少辣既湯, 加埋有墨魚等配料, 真係好好食呀...!!!<3

louisa_pudding's picture

我最喜歡粉紅色的蟹柳味!                            蟹柳味是我小時候第一次吃合味道的口味,也是味道最柔和的一隻。這隻味道雖然普通,只有小塊的蟹柳,沒有什麼特別的材料。但我覺得  蟹柳味就是最原始的合味道!也滿載著我小時候,很難才有機會在爸爸手中得到零用錢 ,買到這杯合味道的回憶!=)=)

lindac1488's picture

我最喜歡咖哩味道,因為咖哩有少少辣但好野味.

camky's picture

我最喜歡最喜歡香辣海鮮味。微辣既湯令海鮮味更突出!

noviaki's picture

我最喜歡海鮮味,因為海鮮味好真, 飲D湯就知足料, 仲要次次食2個先夠

kwan_56's picture

最喜歡香辣海鮮味!辣辣地夠開胃! 入面仲有0的迷你日本魚蛋! 我同媽媽都最鐘意一路睇波一路食!又好味又溫暖!(e15)

mikako416's picture

最愛海鮮合味道 !! 湯底夠甜, 魷魚同蝦好彈牙 ~ 正 !!

mikako416's picture

最愛海鮮合味道 !! 湯底夠甜, 魷魚同蝦好彈牙 ~ 正 !!

stellaso's picture

I love curry favor because it is the best curry taste of cup noodle i ever tried. Alot of my memories happened with this cup noodle. I met my ex boyfriend because of this cup noodle. Un forgettable!

chuishui's picture

海鮮合味道,因為自己本身唔食得辣,所以海鮮合味道e款味道最適合我!加上d配料同個湯底都match, 鮮甜美味! 所以好鐘意!

rulermok's picture

最愛咖喱海鮮味,咖喱味夠香濃, 惹味又開胃,與海鮮味很夾,好味!

cacaz's picture

我係合味道既fans ♥ 香辣海鮮、咖喱海鮮、xo海鮮、蟹柳、咖哩全部我都鐘意,所以個個星期都去入定貨,哈哈!不過我最鐘意既都係什錦杯面:)除左因為入面乜都有,滿足為食既我之外,仲因為細個成日同家人一齊食呢個杯面,對我黎講係最有童年回憶既口味,亦都係我最深刻既回憶之一❤ 所以希望同家人一齊親手整杯面,回顧下以前既開心時光:)

ivy01161's picture

我最喜歡咖喱海鮮味,因而佢嘅香味係咁多隻味中最具「侵略性」,一聞就想食,加埋甜甜嘅椰菜、有咬口嘅墨魚同埋吸滿咖哩汁嘅蛋,直情係喺office OT 嘅強力充電劑!!

ivy01161's picture

我最喜歡咖喱海鮮味,因而佢嘅香味係咁多隻味中最具「侵略性」,一聞就想食,加埋甜甜嘅椰菜、有咬口嘅墨魚同埋吸滿咖哩汁嘅蛋,直情係喺office OT 嘅強力充電劑!!

Pages