海綿寶寶可以食得?小編點評「点心代表」全新點心系列

Jin

海綿寶寶睇得多,但原來你仲可以食咗佢落肚?大家唔好諗得咁殘忍住,其實係一直都好有gimmick嘅点心代表最近同海綿寶寶合作咗全新素食點心系列,將可愛嘅卡通造型融入點心設計之中,而且全素夠晒健康,又係時候約閨密去食好西啦~

 

海綿寶寶 X 派大星 流心奶黃包 ($49)

推介指數:****

好靚嘅奶黃包!但唔好以為只係得個樣,小編試食真係食到熱辣辣嘅奶黃流心,而且饀用咗秘製嘅鹹蛋黃同埋估你唔到嘅「好立克粉」,口感獨特又好食。

 

海綿寶寶黑松露雜菌蒸包 ($49)

推介指數:***

聽到個名有黑松露,即刻已經食指大動~蒸包入面有黑松露,冬菇,秀珍菇等多種菌類,營養自然滿分!連小編平時唔太食菇都一樣有食。

(圖左:黑松露雜菌蒸包;右:千層馬拉糕)

 

海綿寶寶蜂蜜奶黃西多士($59)

推介指數:****

西多士係港人至愛,但對平時食開加花生醬西多士嘅小編,呢個西多士一樣有驚喜。除咗面頭有海綿寶寶嘅糖霜大型曲奇之外,今次特別用咗中式嘅奶黃,再佐以夠晒fresh嘅菠蘿片,新舊元素融合成為呢款精選點心。

 

特別嘅點心仲有好多,小編都講唔晒,但點都要介紹埋女生們最愛嘅甜品!

鮮芒果布甸($49)

推介指數:****

布甸有多重口感,包括杯面嘅新鮮呂宋芒果肉,同埋芒果蓉,日本北海道牛孔和爽口嘅魚膠片,味道一啲都唔單調。

 

士多啤梨啫喱($49)

推介指數:***

食完仲可以有海綿寶寶或者派大星造型氣球可以拎走添~~

延伸閱讀>>假日好去處!同閨蜜High Tea,6大最新下午茶推介

延伸閱讀>>拎去野餐一流!7-Eleven X 毛毛、三眼仔、阿愁便當盒

You may also like