夏日氣息!Snoopy x Jipi Japa 海洋風聯乘系列

TEXT: Alva L.

Jipi Japa首次同Snoopy聯乘推出一系列夏日海洋風單品,內容有Slip-on、涼鞋,仲有今季大熱嘅運動風拖鞋,將品牌休閒時尚風格同Snoopy調皮活潑性格融合!

既然係海洋風,當然唔少得將Snoopy化身成船長,再加入海洋元素啦!今個系列主要用上白色、黃色同藍色,設計師特意以水手繩結串連成《Snoopy》同《Woodstock》字樣,注入Slip-on鞋面上,設計好可愛!

Loafer同樣洋溢休閒海洋風,除咗有Snoopy船長同Woodstock,仲配上今季大熱嘅金屬粉紅色同銀色,潮流感上升!

涼鞋方面,品牌將Snoopy藏喺比較低調嘅位置,穿上後就隱藏咗Snoopy嘅身影,而且呢個設計好容易配襯。

除咗可愛休閒嘅鞋款,其他單品都好注目架~由其係呢個Snoopy大頭造型手袋超可愛!旁邊仲有Woodstock嘅蹤影添!

另外,今個系列仲有限定別緻禮品,包括購物袋、摺傘、頸枕X咕臣及旅行用收納袋,全部都有獨特嘅航海風設計元素,可愛之餘亦極具收藏價值!購買當季貨品即可以HK$89換購指定別注聯乘禮品乙件,數量有限,換完即止!各位「花生友」記住要集齊一套喇!

keywords Keywords:

You may also like