變身王子與公主!PEACH JOHN x 《美女與野獸》夢幻家居服

TEXT: Alva L.

又有《美女與野獸》新商品喇!今次係PEACH JOHN推出嘅可愛的夢幻家居服。以主角貝兒同王子為主題,兩款家居服都參照咗佢哋喺電影入面嘅造型架。成日見到《美女與野獸》推出唔同嘅時裝飾品,但有時真係唔係每樣都可以襯到出街,不過係睡衣就唔使驚喇,可以喺屋企著上呢兩套睡衣,諗起都開心!

呢套家居服係以貝兒嘅小禮裙為藍本,仲有露肩同波浪裙邊設計,質料採用厚身天竺棉,真係可以化身成為公主!

  

胸口位置用咗雪紡質料,仲有絕對不可缺少嘅魔法玫瑰!

而呢套就係以野獸嘅服裝為藍本,V形領口可以展露鎖骨,後面仲參照燕尾服設計添!

兩款家居服價錢均為$420,於銅鑼灣同埋尖沙咀分店有售。

You may also like