平靚正新衫!4間秋冬入貨淘寶店

KT

大家feel唔feel到?係秋意啊!即係咩意思啊?亲!緊係要上淘寶入秋冬貨啦!上淘寶又平、又可以買到當季潮流元素,叫人如何抗拒!今次介紹四間嘅淘寶店都係經過小編多次嘅「買教訓」而得出嘅精選,所以大家可以安心,但都溫馨提示一下,最好睇下「買家秀」先落單,可以減低理想與現實嘅不符。

1. 學院風:Rena 小鋪

第一波嘅秋冬款當然唔少得學院風,豎條紋嘅襯衫同格仔西裝大外套,又潮又有氣質,小編由返學年代已經幫襯Rena,佢啲衫非常適合返學,就算宜家返工都可以揾到一啲返工衫㗎!呢件格仔大褸真係今季最流行,就連智喺新劇「當你沉睡時」都有著呢款褸!

價錢:¥49.00 <按此進入

當然唔少得間條恤衫,呢件仲用白色撞今季大熱嘅磚紅色添,非常復古!


價錢:¥39.90 <按此進入

格仔短裙又係復古嘅潮物,無論襯淨色裇衫定冷衫都一樣好睇!

價錢:¥29.00 <按此進入

呢件間條咁普通,其實俾你襯喺你啲大褸入面,最啱慵懶系女生,唔使諗。


價錢:¥29.90 <按此進入

 

2. 卡其色:DUTE女裝

 

卡其色大家都會覺得係森林女嘅必選色,No...No...No!其實一到秋冬,大家都可以用卡其色襯衫,係非常易襯!DUTE雖然係走韓風,但勝在佢嘅衫好多剪綵,仲要好多都係淨色,就算唔係行韓風嘅你都會揾到心頭好。

著件卡其色大褸,咩類型嘅人都有秋冬嘅味道啊~而且著裙定牛仔褲都好好襯!

價錢:¥58.00 <按此進入

今年都好興長版背心,無論入面配長裇衫定長裙都好適合,仲好文青添!

價錢:¥36.00 <按此進入

 

A字長裙可以有顯瘦嘅效果,而且條裙有開叉,就算冬天都可以露下腿!

 

價錢:¥36.00 <按此進入

冷衫好易有臃腫嘅感覺,尤其胸大嘅朋友,但V領嘅設計會露出鎖骨,咁就唔肥啦!

價錢:¥36.00 <按此進入

3. 燈芯絨:小KK美衣xiaokk

今季當然唔少得燈芯絨啦,只要喺身上加入一樣燈芯絨嘅單品,成個感覺就唔同哂!睇下呢間舖,雖然佢哋相嘅調色會令你覺得好「淘寶」,但其實佢係禾稈冚珍珠,佢有好多時尚單品可以佩襯。呢條雖然係懶人褲,但係用咗燈芯絨嘅質料即刻走喺潮流嘅尖端。

價錢:¥69.00 <按此進入

 

秋冬嘅時候我哋多數著啲深色大褸同牛仔褸,如果著呢件喺入面,會提亮成個造型。

 

價錢:¥49.00 <按此進入

 

今年秋冬點少得百摺裙加燈芯絨面啊?

 

價錢:¥69.00 <按此進入

 

 

4. 刺繡:港味潮人館

 

刺繡由上年冬季已經有佢嘅蹤跡,今年當然繼續,呢間雖然叫港妹潮人館,但小編從來都唔覺「港」喺邊,不過唔係重點,啲衫好睇就得!而且佢嘅刺繡款都唔錯,唔係淨係得刺繡牛仔褸㗎!Sporty嘅棒球褸用咗白色再加花鳥嘅刺繡,即刻可愛哂!

 

價錢:¥73.00 <按此進入

 

啡色、橙色嘅麂皮裙就見得多,藍色嘅真係幾特別,裙擺仲加啲花刺繡點綴,冇咗刺繡嘅霸氣,多咗份斯文。

 

價錢:¥38.00 <按此進入

 

 

本身黑色嘅hoodie好普通,但加上刺繡又時尚又型格,好啱啲懶人又要型!

 

價錢:¥48.00<按此進入

You may also like