編輯精選!3間平靚正淘寶店

TEXT: Alva L. edited by P

想走在潮流尖端最重要當然係集齊每季嘅流行元素啦!但係,要集齊各個元素都唔係咁容易嘅,想要減低成本就當然係搵淘寶喇。今次介紹嘅三間淘寶店全部都係小編買過,而且平得嚟質料絕對有保證㗎。

淘寶推介1: 夢露日記時尚女裝

首先出場嘅係呢間夢露日記,記得有一次買咗件冷衫勁平,質料同版型都好好!呢間店風格偏向韓風,間唔中都有啲日系款,唯一唔好處應該就係太多款,而且分類唔太仔細,要靠自己俾多啲耐性喇~哈哈!

呢件嘅「奶咖」色比較少見,而且夏天衣櫃一定要有幾件超級百搭嘅淨色T Shirt!

價錢:¥24.00

呢件設計好在可以自由調整領口闊度,露唔露膊都得! 

價錢:¥31.00 按此進入

價錢:¥45.00 按此進入

大家有冇留意到今年日本同韓國都好流行碎花,碎花係今季嘅必備單品!不過提提大家,著碎花時,一定一定要喺妝容、髮型,又或者飾物上下點功夫,如果唔係好易會變成婆婆㗎~哈哈! 

價錢:¥35.00 按此進入

淘寶推介2: 小宅女大購物

呢間淘寶店同樣係價錢超平,而且服飾都係偏韓風!

想挑戰試試露膊又唔想露哂兩邊可以考慮呢件。呢個露膊設計好時尚啊,而且夏天可以一試小性感!

價錢:¥28.00 按此進入

好啦又係紗裙喇,呢件係連身紗裙,而且仲係兩件套裝,實在太抵喇,一定要介紹! 

價錢:¥41.00 按此進入 

呢條短褲版型超好!高腰A字型嘅剪裁修腰之餘,仲可以遮到肉肉嘅大脾,加上側面綁帶設計好特別! 

價錢:¥32.00 按此進入

淘寶推介3: 原久美子

連身裙夠方便,趕時間或者唔想襯衫嗰陣一穿就出得門,連身裙控一定要睇下啊,呢間店有好多連身裙都好靚架!

成日覺得背心鬆身連身裙好時尚,次次出街見到人咁著都會望多幾眼!

價錢:¥64.00 按此進入

全黑加前面一排白色鈕扣充滿型格感!當然要配合下手袋同鞋款啦~

價錢:¥68.00 按此進入

近年來流行嘅可愛學生風,黑白格紋襯黑色絲帶,同白波鞋,有一種學生妹的清澀味道!

¥59.00 按此進入

呢條雖然有少少似校裙,但米白色好復古,夠清新!

價錢:¥62.00 按此進入

keywords Keywords:

You may also like