心都融化啦!小公主Charlotte的可愛穿搭

TEXT:P

英國皇室成員威廉王子同凱特王妃嘅愛女夏洛特小公主(Princess Charlotte of Cambridge)每次出場都會令攝影師哥哥為之瘋狂,係咁影係咁影!5月2號生日嘅Princess Charlotte今年兩歲啦,一舉一動都受到大眾關注,就連佢嘅衣著,都成為唔少媽媽嘅參考指標,多套服飾被小公主著一著,就即使搶購一空,無他嘅,小公主Charlotte咁可愛,更係多fans啦!

可愛花仔花女

凱特王妃(Kate Middleton)嘅妹妹(Pippa Middleton)早前舉辦婚禮,喬治小王子同夏洛特小公主當然有出席啦,仲著得靚靚咁做花仔花女!小公主Charlotte頭戴小花環,著上白色連身裙,粉紅色的腰帶同小花藍令小公主可愛度急升啊!

兩歲生日

小公主話咁快就兩歲,身穿The John Lewis淡黃拼藍色毛衣,由媽媽凱特王妃操刀嘅照片,見到小公主淑女嘅一面。

英倫風小淑女

聖誕節時小公主就同爸爸、媽媽、哥哥一齊出席聖誕崇拜,寶藍色絨外套,襯棗紅色冷襪,係好可愛嘅英倫風造型。

粉藍色控

小公主Charlottle好似都好鍾意粉藍色啊!粉藍色嘅碎花連身裙、藍色冷衫、藍色小鞋子,優雅得嚟又好甜美,仲同哥哥好襯添啊!

親子裝

一家人出發去加拿大遊玩,襯到絕嘅家庭裝,以棗紅色做主色,哥哥Geroge同妹妹一樣咁可愛!

淺色系

喺英女王嘅90歲生日閱兵儀式上,小公主Charlottle著上淡粉紅嘅連身裙,襯埋同色嘅小鞋子,同媽媽、哥哥嘅淺色Look好襯,散發出甜美嘅氣息啊!

回顧返小公主Charlotte一歲時嘅照片,精靈又活潑嘅小公主,著上白色同粉紅色服飾,好cute啊!

You may also like