童年回憶返哂嚟!《百變小櫻》古羅咭彩妝套裝

TEXT: Alva L. edited by Karen C.

百變小櫻化妝品, 百變小櫻古羅咭彩妝, 古羅咭唇膏, 古羅咭胭脂

講到《百變小櫻》,相信絕對係大部份女生數一數二最愛嘅動畫之一,大家有冇試過背好一大堆台詞然後喺屋企不停解除封印呢?喺呢套經典動畫推出新季之前,亦都推出咗唔少周邊商品,今次要介紹嘅係呢個古羅咭化妝品套裝!

百變小櫻化妝品, 百變小櫻古羅咭彩妝, 古羅咭唇膏, 古羅咭胭脂

仲記唔記得之前介紹過嘅《美少女戰士》變身筆唇膏呢?今次呢個《百變小櫻》古羅咭系列同樣出自日本萬代美妝品牌「CreerBeaute」,而且已經係第二次再推出喇!之前一推出即刻就被掃光了…今次大家記得要快手啲!

百變小櫻化妝品, 百變小櫻古羅咭彩妝, 古羅咭唇膏, 古羅咭胭脂百變小櫻化妝品, 百變小櫻古羅咭彩妝, 古羅咭唇膏, 古羅咭胭脂

《百變小櫻》古羅咭彩妝套裝入面,其中一樣係初版造型嘅封印鎖匙護唇膏,睇落真係好似玩具!

百變小櫻化妝品, 百變小櫻古羅咭彩妝, 古羅咭唇膏, 古羅咭胭脂

另一樣係古羅咭封印書胭脂,個盒做得好有質感,一打開第一頁仲係小櫻得到嘅第一張古羅咭「THE WINDY」,真係完全為粉絲而設!

《百變小櫻》古羅咭彩妝套裝定價為3,780円(含稅)(約273港元),而家已經可以開始預訂喇!預計5月發售,有興趣嘅小櫻粉絲唔好錯過喇~按此進入網站

keywords Keywords:

You may also like