又靚又有意義!韓國A’PIEU x MARYMON花花氣墊粉餅

TEXT: Alva L. edited by Karen C.

A’PIEU嘅化妝品向來價錢親民,而且素質唔錯,相信唔少人都已經認識呢個韓國美妝品牌。最近品牌同MARYMOND合作推出人氣「WONDER TENSION方形氣墊粉餅」嘅花花版!呢個版本除咗包裝靚,背後仲有一段極有意義嘅故事!

其實MARYMOND係韓國本土品牌,專門出售慰安婦婆婆嘅手作品,希望每位國民銘記首位慰安婦-已故金學順婆婆,同埋以往悲痛嘅歷史,令更多人瞭解慰安婦現狀。所有咁靚嘅花花圖案全部都係由一班婆婆設計,真係好佩服佢哋咁叻!

呢款氣墊粉餅總共有2款限定包裝,藍紅色包裝嘅是遮瑕款;而粉紫色包裝嘅是保濕款。後者雖然係注重保濕,但係唔會笠,就算夏天都可以放心使用,而且仲有防曬值SPF37/PA++!


(Photo: Instagram @raindroptoyou)

呢兩個包裝真係會唔會太靚!而且一盒只係12,800韓圜(約港幣88元),叫人點忍住唔買喎!


(Photo: Instagram @day_or_dream)

個款真係好有文青feel!有興趣嘅朋友,暫時要搵代購或者去韓國旅行時買喇!

You may also like