編輯分享:護膚新品試用

TEXT:P

今次就為大家推薦我最近愛不惜手嘅Skin Care產品,包括有緊緻面膜同埋冬季必備嘅精華素,冬天雖然寒冷,但大家都唔好懶惰,要勤力地護膚啊!

01. Clarins

表情多多嘅我,面上嘅表情紋就成為我嘅煩悶喇。最近試用呢樽浪漫紫色嘅面膜,混合咗多種高效大自然植物萃取,敷10分鐘就做到保濕、紓緩、緊緻、彈滑,同亮澤嘅效果,仲可配合按摩手法,去改善壓力肌。

Extra Firming Mask蘊含有機綠香蕉萃取、檸檬百里香萃取、荷荷巴,同向日葵蠟等成分,有效減淡額紋、眉心紋、眼紋、虎紋,同時改善面容疲倦同膚色不均嘅問題,提升輪廓。

用後感:

我敷咗上面、頸、眼底同嘴唇,mask嘅質地好滑、好潤,敷完亦明顯多咗水分同有光澤感,而用埋佢嘅按摩手法,包括用指腹按眼眉位置,再按埋眼周同顴骨,最後用紙巾印走剩餘下嘅面膜,我覺得肌膚真係緊緻咗,眼部有少許提升到嘅效果。

煥顏緊緻紓緩面膜
價錢:$550/75ml

02. Kiehl's

轉季連護膚品都要換晒!而呢支精華就係我最近每日都必搽嘅護膚品,因為佢係我度身訂製嘅,好適合我嘅肌膚,最重要係改善到我嘅膚質麻。

精華素係由1支強化肌底原液同2支濃縮精華組合而成,強化肌底原液就包括有35%濃度優質橄欖油同25%肌膚脂質複合物,有效保濕滋潤、軟化膚質等。而5款濃縮精華就包括有去皺、細滑、抗紅修復、收細毛孔,同埋亮白抗氧,大家可以揀選岩自己嘅濃縮精華。

用後感:

精華素係由1支強化肌底原液同2支濃縮精華組合而成,強化肌底原液就包括有35%濃度優質橄欖油同25%肌膚脂質複合物,有效保濕滋潤、軟化膚質等。而5款濃縮精華就包括有去皺、細滑、抗紅修復、收細毛孔,同埋亮白抗氧,大家可以揀選岩自己嘅濃縮精華。

醫學專研量膚配方
價錢:$830 (包括強化肌底原液1支及濃縮精華2支)

03. THREE

生活壓力大又忙碌,面部肌肉都好易因為緊張而變得僵硬…(鳴),所以最近愛上用呢盒緊緻面膜。佢同市面上嘅緊緻面膜有啲唔同,好似眼膜嘅設計,其實係俾你左右面對稱咁敷,針對性地緊緻面部輪廓。

「平衡緊緻面膜」含有精油(乳香/佛手柑/真正薰衣草/苦橙葉)、植物純露(蘋果果實純露/甜橙果實純露/葡萄柚果實純露)、植物精華(蘋果果實萃取精華/百里香萃取精華),仲有高達98%的天然由來成分。建議每周1-2次潔面後使用,再喺針對想改善嘅部位,左右對稱咁貼住,如太陽穴位置、耳仔對下下巴位置、頸部,約敷5-10分鐘。

用後感:

首先佢塊面膜係純棉質地,好貼服,我敷咗約15分鐘,面膜亦帶有少許精油,無完全乾巴巴。面膜仲帶有淡淡嘅佛手柑香味,一路敷住都覺得好relax,敷完亦明顯紓緩咗好多。唯一美中不足係佢一次只做到局部緊緻,唯有勤力啲敷多幾次啦!

平衡緊緻面膜
價錢:$550 2枚入x 10包

 

 

You may also like