不傷毛孔!清除黑頭粉刺要這樣做……

TEXT: KK

黑頭粉刺實在令人苦惱,每次照鏡見到自己個士多啤梨鼻,都幾乎忍唔住想擠走佢哋!好多女生擠黑頭粉刺時,唔識就力,就會因為用力過度,而令皮膚受傷,甚至留下疤痕。想清走黑頭粉刺,但又唔傷皮膚?就要留意以下四個重點。

去粉刺, 去黑頭, 不傷毛孔, 清潔毛孔, 士多啤梨鼻

1. 溫熱面部,打開毛孔

潔面後,可以用蒸面方法,或用溫熱毛巾敷面,令毛孔張開,黑頭粉刺就更容易清走。供亦可選擇沖涼後立即清除粉刺,因為沖涼後嘅水蒸氣亦有助擴張毛孔。

去粉刺, 去黑頭, 不傷毛孔, 清潔毛孔, 士多啤梨鼻

2. 一定要消毒雙手及工具

清黑頭粉刺之前,一定要將雙手及工具消毒乾淨!可將酒精稀釋消毒雙手及工具,特別係指縫,因為容易藏有細菌,要多加留意。

去粉刺, 去黑頭, 不傷毛孔, 清潔毛孔, 士多啤梨鼻

3. 黑頭擠一半,再配合工具拔除

好多女生用力擠黑頭,務求將黑頭成條拔走,但咁樣好容易用力過度,整傷皮膚,令毛孔變大,甚至有留有疤痕,重點係仲清得唔乾淨!

去粉刺, 去黑頭, 不傷毛孔, 清潔毛孔, 士多啤梨鼻

正確方法,應該以消毒過嘅手或黑頭棒輕輕擠,令黑頭粉刺突出嚟,然後再用消毒嘅黑頭粉刺夾,慢慢夾出嚟,咁就可以連根拔出嚟之餘,又將對皮膚嘅傷害減到最低。

去粉刺, 去黑頭, 不傷毛孔, 清潔毛孔, 士多啤梨鼻

4. 清黑頭後要好好護膚

清除黑頭後,可以立即將有鎮靜功效嘅化妝水倒落化妝棉,然後濕敷喺清黑頭嘅地方,以作收細毛孔之用。

閱讀更多:

趕走黑頭粉刺!夏日必備深層清潔面膜精選

眼線不再溶!夏天眼線防溶小貼士

You may also like