唔怕舉高雙手!夏天必學腋下美白5個方法

TEXT: Karen C.

夏天咁熱,好多女生出街會著背心,去沙灘會著泳衣,除咗要脫毛之外,都唔好忘記腋下美白呢個步驟!一舉手就俾人見到「黑蚊蚊」嘅腋下,實在太尷尬了!所以做身體護理時,記得要做埋腋下美白,咁就唔再怕舉高隻手啦!

腋下美白, 腋下護理, 身體護理, 夏天身體保養

腋下美白方法1:定期去角質

同身體其他部一樣,腋下都要定期去角質,建將老化角質、死皮清走,有助改善腋下肌膚粗糙問題。建議一星期做一至兩次去角質,但注意應選擇較溫和嘅去角質產品,而且力度要輕。如果擔心市面上產品太刺激,不妨將梳打粉混合水,沖涼後沾取適量,喺腋下輕輕打圈按摩,用水沖乾淨即可。

腋下美白, 腋下護理, 身體護理, 夏天身體保養

腋下美白方法2 :敷mask

腋下都可以敷mask!可以以天然材料自製腋下美白mask,將麵粉 2 茶匙、蘇打粉 1 茶匙、檸檬汁 1 茶匙、蜂蜜 1 茶匙混合,然後搽喺腋下敷15-20分鐘,用水沖乾淨即可,有助改善腋下暗沉問題。

腋下美白, 腋下護理, 身體護理, 夏天身體保養

腋下美白方法3:剃刀bye bye

好多女生都會貪方便而用剃刀脫毛,但長期用剃刀刮腋下脆弱嘅肌膚,容易造成過敏、發炎,令黑色素沉澱。而且只剃走表層毛髮,好快就會見到黑色毛頭生返出嚟,驟眼望都好似「黑蚊蚊」咁。

腋下美白, 腋下護理, 身體護理, 夏天身體保養

腋下美白方法4:搽美白產品

平時敷完美白mask,殘留嘅美白精華不妨搽埋喺腋下,唔好浪費!另外,亦可以使用一般嘅含有美白成分嘅身體乳霜。

腋下美白, 腋下護理, 身體護理, 夏天身體保養

腋下美白方法5:多著鬆身衣物

經常著緊身衫,衣服同腋下不斷摩擦,容易令腋下顏色變深,所以,不妨多穿鬆身衣物,預防腋下變黑。

You may also like