節省時間!令指甲油快乾的4個方法

TEXT: KK

搽指甲油最麻煩,就係要耐心咁等乾,如果未乾晒走去做其他嘢,就會整花晒,又要再搽過,所以指甲油快乾真係好重要!除咗可以揀選快乾指甲油之外,仲有幾個方法都可以令指甲油快乾,大家不妨試試!

指甲油快乾方法, 快乾甲油, 指甲油

指甲油快乾方法1:用風筒吹

既然風筒可以吹乾頭髮,當然亦可以吹乾指甲油。不過要注意嘅係,要調較至冷風模式,因為熱風會令指甲油軟化,更加難乾。

指甲油快乾方法, 快乾甲油, 指甲油

指甲油快乾方法2:每層搽薄啲

與其搽兩層厚嘅指甲油,倒不如搽3層或以上較薄嘅指甲油,每完成一層薄嘅指甲油等幾分鐘再上,雖然好似用多咗時間搽,但咁樣都會快過你等兩層厚甲油完全乾透。

指甲油快乾方法, 快乾甲油, 指甲油

指甲油快乾方法3:浸冰水

低溫會令指甲油凝固,所以可以試試用浸冰水方法。搽指甲油之前,先準備一碗凍水,然後加幾塊冰粒,注意唔好落咁多,以免凍傷皮膚。搽好指甲油後輕輕吹一吹,再將手指浸入凍水2至3分鐘就可以了。

指甲油快乾方法, 快乾甲油, 指甲油

指甲油快乾方法4:放入冰箱

同樣以低溫原理,搽完指甲油後,可以將手貼喺冰箱,幾分鐘之後,指甲油就會乾了。

PHOTO: wikihow

You may also like