4招護眼急救術!

TEXT: lulu T. edited by Karen C.

護膚係持久戰,當然唔好臨急抱佛腳,尤其雙眼咁脆弱嘅部位,假如平時有做好保養,即使面對突如其來嘅問題,都唔會好難搞。不過每逢年尾,無論工作抑或讀書,再加上大量的節日活動,一時失手都情有可原。而家就嚟學定4招護眼急救術啦!

護眼, 護眼 急救, 雙眼 疲倦, 急救 眼袋, 急救 眼腫, 急救 細紋, 護眼 方法
1. 急救捱夜熊貓眼

晚晚OT到半夜先返到屋企,有時真係敷個mask都無力,一定係瞓覺至上,但第二朝見到成隻熊貓喺鏡入面,又好嚇人!

呢個時候可以先用熱毛巾敷眼(夠時間就敷20分鐘,趕時間就快敷5分鐘),要完全覆蓋眼睛四周,包括太陽穴位置。熱力可以促進眼睛血液流通,減淡眼圈顏色;之後再用冷毛巾敷眼一分鐘令毛孔收縮。可以嘅話,最好平時將用過嘅茶包雪起待用,取代毛巾敷喺眼皮,有淡化黑眼圈嘅作用!

護眼, 護眼 急救, 雙眼 疲倦, 急救 眼袋, 急救 眼腫, 急救 細紋, 護眼 方法
2. 急救乾燥細紋

今年天氣忽冷忽熱,可以由廿幾度急降到十幾度,空氣中的濕度驟降,會令眼周肌膚因缺水而暴現眼紋。最好先用有效補充水分的眼部精華,尤其在乾紋位置塗多一點,減褪眼紋的痕跡。此外,出現因乾燥而引起的眼紋,要盡量減少化妝,即使化妝亦不可塗遮瑕膏,以免增加眼肚肌膚的負擔。到咗夜晚,盡可能早啲瞓,喺床頭放一杯水,或者開住加濕器,增加房間內的濕度,雙眼有充足水分,眼紋就無咁明顯。

護眼, 護眼 急救, 雙眼 疲倦, 急救 眼袋, 急救 眼腫, 急救 細紋, 護眼 方法
3. 急救疲倦眼袋

眼袋的成因有分先天和後天,先天係因為眼眶內的脂肪肌肉較為肥大,引致眼袋較明顯;而後天係因為年紀漸長,又或眼睛用神太多,過度疲勞令皮膚鬆弛,無晒彈性,眼袋就會越來越大。

要解決眼袋問題,首先一定要有充足睡眠,另外就要做吓眼睛運動,鍛鍊眼部肌肉,最簡單的動作係有意識地閉合上下眼瞼,每日做100次以上,可以分開時間做,通常工作中每隔2小時可以做20-30下,亦可乘機俾眼睛休息一陣。

護眼, 護眼 急救, 雙眼 疲倦, 急救 眼袋, 急救 眼腫, 急救 細紋, 護眼 方法
4. 急救Party後的眼腫腫 

12月開始,親朋好友嘅聚會特別多,亦離不開飲飲食食,大吃大喝嘅後遺症就係吸收過多鹽分,睡前又飲過多水分,令體液於睡覺時積聚眼部,造成早晨眼部浮腫。

快捷有效的消腫方法係冷敷青瓜片或泡過紅茶的茶包,紅茶中有茶單寧,可以消除眼腫。敷眼後可以加上按摩,閉起眼睛用指腹去感覺眼窩邊緣的骨骼,然後用中指由眼窩外沿向內輕輕按壓,至眉頭及鼻樑處稍微加力,刺激血液循環,帶走多餘水分。

You may also like