平嘢有好嘢!編輯真心推介平價美容好物

TEXT: Karen C.

邊個話平嘢無好嘢?小編成日都收到唔同美容產品,有平又有貴,試過無數產品,都發掘到一啲平價好物,用完仲會自己回購添!今次就同真心分享6件平價好物,大部分都係$100以下架咋!

平價好物, 平價護膚品, 平價化妝品, 平價美容產品推介, 編輯推介, 真心分享, 肌研, hadalabo, 化妝水

肌研極潤控油護理化妝水Oil Conditioning Lotion
價錢:HK$135/170ml

肌研化妝水一向都好用,最近品牌新推出呢款控油護理化妝水,特別針對油性、粉刺及痘痘肌膚,真係啱晒我!我皮膚一向外油內乾,好明顯係底層水分不足,所以成日出油,所以肌膚水油平衡真係好要。

呢款化妝水有助令皮膚達致水油平衡,抑制過量嘅油脂分泌及收毛孔,抑制痘痘滋長。搽上面有微涼效果,好舒服,輕拍幾下已經吸收晒,而且保濕效果唔錯,皮膚可以保持滋潤。有時出咗又紅又腫嘅暗瘡,我會倒落棉花再敷喺暗瘡上,果然有紓緩功效,即時變得無咁紅腫,效果不錯!

平價好物, 平價護膚品, 平價化妝品, 平價美容產品推介, 編輯推介, 真心分享, innisfree, 碎粉

Innisfree No Sebum Mineral Powder控油礦物質散粉
價錢:HK$53/5g

小編屬混合性膚質,經常性出面油,所以定妝粉係我其中一樣必備妝物。呢款控油礦物質散粉好好用,用佢嚟定妝,面油都出慢咗,控油效果真係幾好,而且搽完又唔會覺得個樣好「粉」,妝效自然。

我最鍾意佢細細盒,方便攜帶,拎出街補妝都無問題,去旅行又可以成盒帶去。

平價好物, 平價護膚品, 平價化妝品, 平價美容產品推介, 編輯推介, 真心分享, innisfree, 碎粉

早前仲推出咗emoji限量版本,好可愛!

平價好物, 平價護膚品, 平價化妝品, 平價美容產品推介, 編輯推介, 真心分享, 防曬, 防曬乳, biore

Bioré UV Aqua Rich Essence水凝長效保濕防曬乳SPF50+ PA++++
價錢:HK$99.9/50g

一直都有用開Bioré防曬產品,貪佢平得嚟又好好用!今年推出咗全新升級版,提升咗防曬效果添。

我最鍾意佢清爽水潤質感,容易推開,搽完好快就吸收晒,一啲都唔會「黐立立」。而且佢防水耐汗,又有50度防曬,好適合夏天去戶外活動使用,面同身都搽得,一支搞掂!我鍾意佢可以當妝前底霜咁用,非常方便!

平價好物, 平價護膚品, 平價化妝品, 平價美容產品推介, 編輯推介, 真心分享, the body shop, 茶樹油, 去暗瘡

The Body Shop Tea Tree Oil茶樹油
價錢:HK$89/10ml

我嘅皮膚容易出暗瘡,所以我最鍾意用茶樹油嚟紓緩,呢支The Body Shop茶樹油我已經用咗好多年,茶樹油有天然抗菌功效,暗瘡皮膚人士必備!

平價好物, 平價護膚品, 平價化妝品, 平價美容產品推介, 編輯推介, 真心分享, 睫毛液, Heroine Make

Heroine Make 纖細眼線液[深啡色]
價錢:HK$75

Heroine Make嘅眼線液我用咗好多支,油眼嘅我都無問題,就算做完運動爆晒汗,都無甩到!

平價好物, 平價護膚品, 平價化妝品, 平價美容產品推介, 編輯推介, 真心分享, 眼線液, Heroine Make

筆頭偏軟,容易畫到一條流暢嘅眼線,粗幼眼線都畫到,之前用開黑色,但呢支深啡色效果自然啲,的確不錯!

平價好物, 平價護膚品, 平價化妝品, 平價美容產品推介, 編輯推介, 真心分享, 睫毛液, Heroine Make

Heroine Make持久防水纖長睫毛液
價錢:HK$82

除咗眼線之外,我都鍾意用Heroine Make嘅睫毛液,我天生眼睫毛向下垂,試過好多睫毛液都撐唔起我啲睫毛,搽完都會跌返落嚟,但Heroine Make睫毛液就無呢個問題,而且仲可以搽到好挺身,太陽花眼睫毛get!

You may also like