不要再這樣去角質了!你必要知的5個去角質錯誤方法

TEXT: Karen C.

雖然我哋成日話要定期去角質,皮膚先唔會咁暗啞,而且仲可以令護膚品發揮更大功效,不過去角質唔係亂咁去,小心犯以下嘅去角質錯誤,反而會令你皮膚變差!

去角質, 去角質錯誤, 去死皮

去角質錯誤1:去角質次數頻密

去角質後皮膚即刻變得柔滑細嫩,有啲人或因此而去角質上癮,皮膚一有問題就用去角質嚟解決,就樣就大錯特錯!皮膚嘅更新週期為28日,過分去角質會令皮膚變得愈來愈薄,出現乾燥、甩皮等問題。應根據自己膚質衡量頻密程度,一般膚質一星期去角質一次就足夠,而乾燥及敏惑肌膚,建議一個月做一次就足夠。

去角質, 去角質錯誤, 去死皮

去角質錯誤2:經期時去角質

經期時身體嘅荷爾蒙有變,皮膚狀態會變得唔穩定,而且容易敏感,所以經期時要盡量避開去角質步驟。反而經期前做好去角質,有助減低出暗瘡嘅機會。

去角質, 去角質錯誤, 去死皮

去角質錯誤3 :夜晚去角質

好多人習慣夜晚做好多護膚步驟,去角質都係其中之一,其實夜晚去角質效果無咁好,因為瞓覺時係皮膚自我修復嘅時間,經過一晚之後,皮膚表面會產生大量死去嘅細胞,即角質層,所以朝早起身先係最好嘅去角質時間。

去角質, 去角質錯誤, 去死皮

去角質錯誤4:產品顆粒越粗越好

有人覺得去角質產品顆粒愈粗愈好,事實當然唔係啦!其實身體上只有手肘、膝蓋、腳踭等粗糙部位,先識合用粗顆粒嘅產品,而面部肌膚相對較細膩,用太粗顆粒會傷皮膚。


去角質, 去角質錯誤, 去死皮

去角質錯誤5:去角質+深層清潔一齊做

好多人認為去完角質再敷深層清潔面膜,雙重清潔,一定好乾淨,咁諗就錯喇!去完角質之後,皮膚有利於吸收養分,但深層清潔面膜只會再去除新角質,令皮膚變薄,容導致容易甩皮、敏感情況出現,所以去角質之後,建議敷保濕面膜為佳。

You may also like