6個刷牙的錯誤習慣,令你點刷都唔乾淨!

TEXT: KK

為咗保護牙齒嘅健康,我哋每日都要早晚刷牙,不過好多人刷牙時都草草了事,而且仲有啲刷牙嘅錯誤習慣,會影響牙齒健康,大家睇吓自己有無犯?

刷牙, 刷牙習慣, 牙齒護理, 刷牙錯誤

刷牙錯誤習慣1:擠牙膏前沾濕牙刷

好多人有用水沾濕牙刷再擠牙膏嘅習慣,但沾上水嘅牙刷,會令牙膏容易起泡,令人有錯覺已經刷乾淨、好似刷咗好耐咁,但其實細菌同污糟物都未完全刷走。太快起泡會令牙膏嘅清潔作用減弱,所以牙膏應擠喺乾嘅牙刷上,然後慢慢刷,仔細刷乾淨每隻牙齒。

刷牙, 刷牙習慣, 牙齒護理, 刷牙錯誤

刷牙錯誤習慣2:用凍水刷牙

凍水會令有敏感牙齒或牙周病患者造成牙齦酸痛或出血,建議最佳刷牙嘅水溫為約37度,即同體溫相若。

刷牙, 刷牙習慣, 牙齒護理, 刷牙錯誤

刷牙錯誤習慣3:越大力刷越乾淨

有人以為越大力刷牙,就會刷得越乾淨,其實咁樣會損害琺瑯質,令琺瑯質變薄。反而每個角落都刷得乾濕先係重點,最好嘅刷牙方式,係每次刷到2至3隻牙,要慢慢、仔細地將所有牙齒嘅每一面刷乾淨。

刷牙, 刷牙習慣, 牙齒護理, 刷牙錯誤

刷牙錯誤習慣4:牙刷刷毛太硬

坊間有好多唔同嘅牙刷,有啲刷毛較硬,其實容易傷害牙齒同牙肉,甚至將琺瑯質刷走,有傷牙齒,所以建議選擇軟毛牙刷。

刷牙, 刷牙習慣, 牙齒護理, 刷牙錯誤

刷牙錯誤習慣5:刷完牙狂漱口

有人刷完牙會不停漱口,但咁樣會反而沖走口腔內殘存嘅氟,減低預防蛀牙嘅功效。刷牙後,口含約100毫升清水,漱口約20秒吐走即可。

刷牙, 刷牙習慣, 牙齒護理, 刷牙錯誤

刷牙錯誤習慣6:飯後立即刷牙

唔好以為食完飯即刻刷牙,就唔會有蛀牙,咁諗就錯喇!因為食完嘢之後口腔內會變酸,琺瑯質會軟化,如果呢個時候立即刷牙,就容易將琺瑯質磨走,長期咁做,流失嘅琺瑯質唔會再生,令牙齒變黃、變薄,甚至會有崩牙、牙齒敏惑嘅情況出現。建議進食後可先用牙線剔走菜渣,再令口腔分泌足夠口水,令酸鹼度回復,約30分鐘後先好刷牙。

You may also like