回南天注意!必讀春天護膚重點

TEXT: Karen C.

3月正正係回南天時候,回南天氣溫開始和暖,而且濕度高,空氣都變得潮濕。踏入春天,護膚方面都需要注意,究竟春天要點護膚呢?

回南天, 春天護膚, 轉季護膚, 春天點護膚

春天護膚重點1:轉換護膚品

冬天時分天氣乾燥,可能要搽護膚油先夠滋潤,但春天時要特別注意毛孔暢通問題,盡量減少使用油分太高嘅護膚品,亦要定期做深層清潔,以免毛孔閉塞而導致生暗瘡。而且春天特別容易滋生暗瘡,要加緊注意。

回南天, 春天護膚, 轉季護膚, 春天點護膚

春天護膚重點2:注意防曬

踏入春天,黑色素開始活躍,而且春天皮膚較易敏感,更加容易曬黑、出色斑,所以唔好以為未到夏天就可以疏忽防曬,否則夏天來到之前就已經曬黑咗。記得每日出門前都要搽上防曬產品,亦都可以多食含維他命C嘅生果,對預防黑色素都有幫助。

回南天, 春天護膚, 轉季護膚, 春天點護膚

春天護膚重點3:抗敏

春天氣溫忽冷忽熱,而且亦係花開季節,花粉飛揚,容易令皮膚引起敏感,即使本身唔係敏感性肌膚都要注意一下。皮膚敏感千祈唔好用刺激性高嘅產品,所以應選用性質溫和嘅護膚品及化妝品,亦可以試試敷上含紓緩成分(如洋甘菊)嘅面膜。

回南天, 春天護膚, 轉季護膚, 春天點護膚

春天護膚重點4:多飲水

春天要注意為身體補充足夠水分,有助促進新陳代謝,排走身體內嘅毒素,咁先會令皮膚變得更健康、更有光澤,回復生氣。

You may also like