愛搽唇膏必看!3個錯誤習慣令你唇色越來越暗沉

TEXT: KK

好多女生都有搽唇膏嘅習慣,但如果無好好卸妝,只會令你本身嘅唇色越來越深、越來越暗沉,即check自己有無以下錯誤習慣!

唇部護理, 唇妝, 唇膏控, 唇部保養

錯誤習慣1:唇膏甩晒色就唔使卸妝

有時夜晚返到屋企,覺得唇膏已經甩晒色,所以就懶得再卸妝,咁就大錯特錯!唔好以為睇唔見就等於無殘留色素,記得用棉花棒或化妝棉沾上眼唇卸妝液,然後喺唇上來回咁抹,直到無再抹到顏色為止。另外特別留意,如果用有色潤唇膏,都要卸妝啊!

唇部護理, 唇妝, 唇膏控, 唇部保養

錯誤習慣2:唇膏夠潤就唔使搽潤唇膏

雖然而家好多唇膏都滋潤度高咗,不過建議大家都係先搽潤唇膏打底,一來潤唇膏可以作唇部隔離霜,二來用完潤唇膏打底,搽唇膏可以更均勻,亦有助減淡唇紋。

唇部護理, 唇妝, 唇膏控, 唇部保養

錯誤習慣3:怕唇膏甩色,所以不停補搽

如果過度搽上唇膏,而又無好好卸妝的話,容易令色素沉澱,令原有唇色越來越深。如果想唇妝保持得持久啲,可以試試以下方法:

先薄薄搽一層唇膏,用紙巾輕輕印一印,然後搽少少碎粉,再喺上面搽多次唇膏,咁樣可以幫助唇妝keep得耐啲。

You may also like