以最佳狀態拜年!農曆新年前幫肌膚大掃除

TEXT: Karen C.

「年廿八,洗邋遢」,我哋習慣農曆新年前要幫屋企大掃除,但其實你嘅肌膚都需要做大掃除,經過一年嘅「洗禮」,係時候要做一次大清理,咁就可以用最佳狀態迎接新一年喇!

農曆新年, 大掃除, 肌膚大掃除, 排毒

1. 排毒
排汗係幫肌膚排毒嘅最佳方法,做運動有助排汗排毒,另外,亦可以選擇浸浴、焗桑拿、岩盤浴、蒸身等方法。

農曆新年, 大掃除, 肌膚大掃除, 排毒

2. 潔面
潔面係護膚第一步,所以想皮膚變好,潔面步驟絕不能馬虎。卸妝後,可以用約35度溫水配合潔面產品洗面,潔淨肌膚後,再用冷水沖洗有助收細毛孔。另外,每星期使用深層清潔產品,清走毛孔中的污垢。

<閱讀更多>破解5大洗面謬誤!

農曆新年, 大掃除, 肌膚大掃除, 排毒

3. 去角質
定期去角質,將死皮清走,令肌膚唔會再咁暗啞,回復生氣。記住使用去角質產品時要輕力,避免拉扯肌膚,令肌膚受到傷害。

 農曆新年, 大掃除, 肌膚大掃除, 排毒

4. 保濕
做好清潔後,就要做好保濕功夫,唔懶得!洗完面之後,趁皮膚仲有少少濕潤感,就要立即搽上保濕產品,將肌膚水分鎖住。而且建議定期敷面膜,每次敷15-20分鐘已經足夠,否則肌膚水分會反被面膜吸走,只會越敷越乾。

<閱讀更多>敷面膜7大注意事項!

農曆新年, 大掃除, 肌膚大掃除, 排毒

5. 做Facial
想快速喺新年前回復最佳狀態,不妨去一轉美容院做facial吧!除了基本面部護理,亦可以選擇果酸換膚(當然要衡量皮膚適唔適做),可以即時令皮膚更滑更細緻。

You may also like