編輯分享:夏日氣墊粉底試用

TEXT: double p.

懶人如我就最想快捷地完成妝容出街,所以我嘅化妝袋早已被氣墊粉底佔一席位,而坊間嘅cushion亦越出越多,咁到底邊款先好用?今次我就試試不乏用家嘅3個品牌cushion,包括innisfree、M.A.C、belif,評評佢哋嘅遮瑕度同埋清爽度(是夏天很重要嘅要素),即睇試用結果吧!

01. innisfree

呢款氣墊粉底係innisfree嘅濟州海洋別注版系列,換上濟州海洋世界新裝,好清新!而氣墊粉底嘅配方含有控油粒子成份,有效抑制油光,仲有柔膚聚合物,令皮膚細嫩柔滑,加埋防曬配方,幫助保護皮膚免受紫外線傷害!當中專利長效美妝複合物仲令妝容可以持久達12小時添。

輕盈持久氣墊粉底套裝
Long Wear Cushion SPF50+/PA+++ Special Set
價錢:$190/15g (另附補充裝15g)

閱讀更多>>注目新色!adidas Originals NMD粉紅色、白色波鞋登場

 

 

用後感:

我用23號色號,首先色調自然唔顯白,質地透薄,輕輕一印,亦已經遮去我面上嘅瑕疵同痘痘印,不過質地無想像咁水潤,妝容較啞緻,摸摸塊臉就無黏立感,適合夏天用!

閱讀更多>>夏日脫毛迷思:下體毛毛除不除?

02. M.A.C

品牌首個氣墊粉餅,共有5種色系。粉餅含有超幼細嘅粉末,打造自然透薄兼高度遮瑕嘅妝容。配方仲有Marine-Bright Formula、維他命C,同埋蘊含豐富礦物質嘅海藻精華,做到持久滋潤肌膚,同埋防曬、防水配方,夏天都唔怕脫妝!

LIGHTFUL C SPF 50/PA++++ QUICK FINISH COMPACT
價錢:$335

 

 

用後感:

我今次試用LIGHT色,輕輕一按就已經印上好大分量嘅粉底,質地明顯非常水潤,上妝後亦明顯提亮咗肌膚,幾有光澤,遮瑕功力一流,遮黑眼圈、毛孔、痘痘印都無難度,推開粉底後妝容亦相當自然,唯一要小心嘅係輕按cushion時,可以注意其分量,以免搞到好厚妝。

03. belif

蘊含天然草本成分紫芹,極具保濕功效,加上角質層鎖水分子Ceramide、防曬功能,打造自然嘅韓妝。 氣墊粉底具三色選擇,包括light beige bullet、natural beige bullet,同埋Pink bullet,同樣具有高效遮瑕能力,踢走暗啞膚色。加埋高密度泡沫海綿氣墊Micro Foam,比起一般海綿氣墊密度高出4倍,更易handle同上妝!

紫芹潤澤炸彈氣墊粉底液(SPF50+, PA+++)
Moisture bomb cushion15g + 15g(補充裝)
價錢:$270

 

 

用後感:

我用嘅係natural beige bullet色,呢個cushion透亮感好高,質地透薄,仲幾貼服,上妝後都算輕盈,加埋遮瑕度唔錯,輕易遮去細紋同痘痘印,上妝後仲唔會好立、好粉,妝容亦好long-lasting,幾小時後仲keep到光澤同水潤感!不過保濕度就勉強合格,用cushion時可以先搽清爽嘅保濕面霜。

 

閱讀更多>>試食報告!即食韓國芝士年糕 + 綠茶紅豆沙

You may also like