編輯推介:身心放鬆!SPA by MTM禪茶釋憊療法

TEXT: Karen C.

都市人生活忙碌,偶爾都會想去做下全身按摩嚟放鬆一下。早前有機會體驗SPA by MTM全新推出嘅「禪茶釋憊療法」,成個treatment一個字講晒:「正」!

全新禪茶釋憊療法靈感源自日本茶道「一期一會」嘅概念,SPA by MTM 將茶融入療程中,發揮以茶養氣、以茶養身嘅療效。療程分為「品、賞、悟」三個部分,透過能量釋憊呼吸法、舒壓按摩及烏龍茶暖膜,最後品嘗時令「茶食」,令身心得到放鬆。

SPA by MTM, MTM, 全身按摩, 按摩, spa, 編輯分享, 編輯推介, 禪茶釋憊療法

一入房,房間非常寬敞、舒適!

SPA by MTM, MTM, 全身按摩, 按摩, spa, 編輯分享, 編輯推介, 禪茶釋憊療法

美容師仔細解釋放喺床上嘅物品,例如有紙底褲、浴帽、透明索繩袋(用嚟放內褲,好貼心)、護墊等等,之後就俾時間我沖涼,淨係沖身就OK。

SPA by MTM, MTM, 全身按摩, 按摩, spa, 編輯分享, 編輯推介, 禪茶釋憊療法

之後美容師就入返嚟開始療程,首先係「品」嘅部分,先飲一杯甘香嘅烏龍茶,然後就可以瞓落床,進行能量釋憊深呼吸法。聞住松針香薰油嘅青木香氣進行深呼吸,有助舒緩呼吸不適,身心與呼吸亦得以放緩。

然後到「賞」嘅部分,先以中式指壓,按壓頸、肩、背部穴位,疏通經絡,促進血液循環,紓緩肌肉酸痛。因為我唔太受力,所以一向都唔係好鍾意做中式指壓,不過美容師力度好好,我一啲都唔覺得辛苦。

指壓後就以禪茶舒壓按摩油作全身按摩,事前都有同美容師講想加強肩頸部位,因為我長期對電腦,肩頸位都比較累,美容師都有幫我按鬆返,而且佢手勢好好,按得我好舒服!

SPA by MTM, MTM, 全身按摩, 按摩, spa, 編輯分享, 編輯推介, 禪茶釋憊療法

推油按摩後,就為我全身敷上烏龍茶暖膜,呢個暖膜加入咗蜂蜜,仲有美白、抗氧化功效,一路敷一路聞到好香嘅茶香味,好relax!敷暖膜嘅同時,美容師亦為我嘅面部及頭部做按摩,面部按摩係按壓穴位,所以化咗妝都唔怕,唔會點整花個妝架!

之後就可以沖身,整理好儀容就可以出去做埋療程嘅最後一部分──「悟」。

SPA by MTM, MTM, 全身按摩, 按摩, spa, 編輯分享, 編輯推介, 禪茶釋憊療法

按摩後身心已經好放鬆,職員已經為我準備好「茶食」,包括一杯清茶、一碗雪耳腐竹糖水及烏龍茶奶凍,真心覺得好好味,尤其係烏龍茶奶凍,茶味濃郁,好特別。

SPA by MTM, MTM, 全身按摩, 按摩, spa, 編輯分享, 編輯推介, 禪茶釋憊療法

按完摩加全身敷完烏龍茶暖膜,皮膚即時變得嫩滑,而且成個人都好放鬆,加埋美味嘅茶點作句號,只可說一句:perfect!

SPA by MTM禪茶釋憊療法

價錢:HK$2,350/ 2小時15分鐘

SPA by MTM地址:
銅鑼灣羅素街38號金朝陽中心16樓 (Tel: 2923 7888)
大嶼山東涌東薈城118店 (Tel: 2923 6060)

You may also like