編輯試用:點評6款去黑頭產品!

TEXT: Karen C.

黑頭粉刺可算是肌膚頭號問題之一,而要清除難搞嘅黑頭又唔會令毛孔粗又大,就需要用正確嘅方法(文章重溫:3個去黑頭的正確方法!),另外,亦可以使用去黑頭產品作幫助,今次小編就試用咗6款去黑頭產品,想知邊款好用就立即睇啦!

1. Jeju Volcanic Clay Mousse Mask
濟州島火山岩泥潔淨泡沫面膜
(價錢:HK$150/ 100ml

去黑頭, 黑頭, 粉刺, 清黑頭, 毛孔粗大, Jeju Volcanic Clay Mousse Mask, 濟州島火山岩泥潔淨泡沫面膜

簡介:配方中含有3,000mg火山岩渣,有助高效潔淨隱藏在毛孔當中的污垢,以及凹凸不平的肌膚表面的雜質,讓毛孔由內至外保持暢通。

用法:潔面及塗上爽膚水後,先搖勻產品,取適當的分量,將面膜均勻地塗於整個面部。約10分鐘後,用溫水沖洗乾淨即可。可局部重點使用。

潔淨度:★★★★☆
潔淨力唔錯,敷完10分鐘之後,明顯見到好多黑頭粉刺浮晒出嚟,之後可選用有圈圈頭嘅黑頭棒輕輕刮走即可。

方便度:★★★★☆
敷10分鐘洗去即可,既方便又快捷。

傷毛孔度:★★☆☆☆
如果淨係用面膜,基本上唔傷毛孔,不過因為之後要用黑頭棒幫助清走黑頭,所以用黑頭棒清潔時要輕力,唔好咁大力擠壓毛孔。



<<編輯試用>>5款潤手霜大測試!

2.belif Blackhead Remover Oil Balm
金盞花去黑頭調理膏
(價錢:HK$220/20g

去黑頭, 黑頭, 粉刺, 清黑頭, 毛孔粗大, belif Blackhead Remover Oil Balm, 金盞花去黑頭調理膏

簡介:配方內含金盞花、繁縷及茜草成分,能調理受刺激及發炎肌膚,使用後,能清理黑頭,帶來潔淨效果。

用法:於清潔前或後,取適量放乾爽的手上,在黑頭處打圈按摩5分鐘讓黑頭溶解。完成後,用紙巾擦拭面部污垢,隨後使用潔面產品清洗即可。

潔淨度:★★★★☆(4星半)
將產品搽上有黑頭嘅位置,打圈按摩,就會由膏狀變成油,深入毛孔溶解黑頭,按下按下,就會見到有啲黑頭粉刺成粒咁捽咗出嚟,清潔好後,發現黑頭粉刺無咗9成,鼻頭亦變得平滑,好乾淨!建議沖完涼時,毛孔擴張咗嘅時候使用,效果更佳。

方便度:★★★☆☆
因為要不停打圈按摩5分鐘,所以唔可以兩隻手free晒出嚟做其他嘢,建議一邊睇電視一邊做吧!

傷毛孔度:★☆☆☆☆
完全唔會拉扯到毛孔同肌膚,無痛清黑頭,而且配方含有金盞花,有效紓緩肌膚。



<<閱讀更多編輯試用>>

 

3. Holika Holika Pig Nose Clear Black Head 3-Step Kit
豬鼻除黑頭貼
(價錢:HK$25/片)

去黑頭, 黑頭, 粉刺, 清黑頭, 毛孔粗大, Holika Holika Pig Nose Clear Black Head 3-Step Kit, 豬鼻除黑頭貼

簡介:只須以3個步驟,就可溫和卻徹底去除黑頭。透過植物萃取成分,先張開毛孔,然後重點去除污垢、老廢角質及黑頭,最後緊緻毛孔及柔滑肌膚。

用法:先以Step1內的純棉鼻貼貼於鼻上15-20分鐘以打開毛嚢;再以清水或Step 1的精華濕潤鼻子,貼上Step 2的黑頭貼,10-15分鐘後慢慢撕下;最後貼上Step3啫喱狀鼻貼,10-15分鐘後取下,輕輕拍打讓肌膚盡情吸收精華成分。

潔淨度:★★★★☆
重點部分當係Step 2嘅鼻貼,敷完撕出嚟,真係拔走咗好多黑頭,一粒粒有大有細(小編仲細心欣賞,好有滿足感:p),感覺較頑固嘅黑頭都拔到。

方便度:★★★☆☆
其實使用方法都算方便,每個步驟約敷10分鐘,成個過程約半個鐘左右完成。

傷毛孔度:★★★☆☆
由於Step 2嘅鼻貼係會將黑頭拔出,所以都會拉扯到皮膚,撕嘅時候動作要慢同溫柔,不過最後嘅Step 3修護鼻膜都有助將毛孔收細返。


 

4. ZINO Blackhead OUT Night Serum
杏仁酸黑頭導出夜精華
(價錢:$268 / 15ml

去黑頭, 黑頭, 粉刺, 清黑頭, 毛孔粗大, ZINO Blackhead OUT Night Serum, 杏仁酸黑頭導出夜精華

簡介:含有13%神效杏仁酸、rh-EGF、金盞花、甘草、維他命B5及透明質酸等成分,於晚間肌膚自然修復高鋒期,快速滲入肌底軟化角質,並導出毛孔內的污垢及黑頭,同時有更生肌膚、收細毛孔、抗炎、補水功效。

用法:於晚間潔面後,取1 - 2滴精華液塗於黑頭和粉刺位置。翌日早上使用「黑頭神棒」掃走導出的污垢。

潔淨度:★☆☆☆☆
瞓覺前搽咗喺鼻嘅位置,起身時滿心歡喜去照鏡,點知令人失望,未知係咪小編啲黑頭太頑固,唔係好覺得有黑頭粉刺浮出嚟。

方便度:★★★★☆
夜晚瞓覺前搽完,第二朝起身用附送嘅「黑頭神棒」掃走污垢就可以,都幾方便。

傷毛孔度:★☆☆☆☆
只係搽上精華及掃走污垢,唔會拉扯到毛孔而令其變得粗大。

5.Dr.G Blackhead 3-Step Solution
黑頭淨化3部曲
(價錢:$192/1套3件)

去黑頭, 黑頭, 粉刺, 清黑頭, 毛孔粗大, Dr.G Blackhead 3-Step Solution, 黑頭淨化3部曲

簡介:只需3 Steps便能一次過完成軟化黑頭、拔走黑頭、舒緩及收細毛孔三大功效,特別在Step3中加入毛孔緊緻精華,擊退黑頭粉刺同時帶來保濕、收毛孔的功效。

用法:將Step1鼻膜敷在鼻上,10分鐘後撕走;於皮膚印上適量水分,將Step2鼻膜貼上,10分鐘後將鼻貼由下往上撕走;最後將毛孔緊緻精華塗於鼻上。

潔淨度:★★★☆☆(3星半)
Step 2嘅鼻貼可將黑頭拔出,都清到8成,效果不過不失!

方便度:★★★☆☆(3星半)
頭兩個Steps各敷10分鐘,之後Step 3嘅毛孔緊緻精華就咁搽上就可以,唔使再敷,成個過程大約20分鐘就完成。

傷毛孔度:★★★☆☆
Step 2嘅鼻貼將黑頭拔出時會將毛孔拉大,不過附送嘅毛孔緊緻精華就有效將毛孔收細,而且仲可以用喺面上其他毛孔粗大嘅位置,不錯!

6.CNP Laboratory Black Head Clear Kit
毛孔緊緻黑頭淨鼻套裝
(價錢:HK$268 / 10sets;$86 / 3sets

去黑頭, 黑頭, 粉刺, 清黑頭, 毛孔粗大, CNP Laboratory Black Head Clear Kit, 毛孔緊緻黑頭淨鼻套裝

簡介:去黑頭鼻膜蘊含CNP獨家專利舒敏複合配方,溫和溶解頑固黑頭,把囤積已久的深層油脂污垢快速地從毛孔排出來。修護鼻膜蘊含Evermat控油因子、精氨酸及ZINC PCA 等毛孔護理成分,有效修復並緊緻因污垢堵塞而被擴張的毛孔,讓毛孔回復緊緻。

用法:先將Step 1去黑頭鼻膜敷在鼻子約10分鐘;以附送的黑色棉花棒清除鼻上已排出的黑頭油脂;最後將Step 2修護鼻膜敷在鼻子約10分鐘,除去鼻膜後輕輕按摩至吸收即可。

潔淨度:★★★★☆
敷完Step1嘅鼻膜之後,真係見到好多黑頭油脂浮咗出嚟,跟住用附送嘅棉花棒清走就OK,咁就乾淨晒。小編幾鍾意佢嘅棉花棒係黑色,可以清楚睇到啲油脂黏附咗上去。

方便度:★★★(3星半)
兩個Steps各敷10分鐘就可以,中途用棉花棒清走黑頭亦算方便。

傷毛孔度:★☆☆☆☆
可謂無痛清黑頭,唔會拉扯到皮膚之餘,仲有修護鼻膜,用完之後鼻頭又滑又乾淨。

You may also like