編輯試用:5款急救面膜大比併!

TEXT: Karen C.

一連串瘋狂派對過後,皮膚大概已經響起警號,乾燥、暗啞、浮腫等問題統統呈現,只要做好保養,就可以回復明艷照人(重溫:派對後4招急救殘樣)。當中少不免要出動急救面膜,今次小編精選咗5款出嚟,測試吓邊款最有急救力!

編輯試用, 面膜, 急救肌膚, Eve Lom Rescue Mask

1. Eve Lom Rescue Mask
全能急救面膜
HK$540/50ml, HK$870/100ml

適合所有肌膚使用的終極深層清潔產品,更可隨時用作急救肌膚,有效去除表面及底層污垢,均衡膚色。不論是黑斑、暗瘡或因時差及熬夜導致的浮腫,多用途的Rescue Mask 全能急救面膜將有效刺激血液循環,減輕暗瘡紅腫情況,為暗沉的肌膚充電,更不會抽走肌膚水份,使肌膚回復平衡及天然亮澤。


滋潤度:★★★★☆(+12.5%)
亮肌度:★★★★☆
柔滑度:★★★☆☆ (3星半)
總評:敷嘅時候涼涼地,敷完之後感覺毛孔乾淨咗,而且皮膚都無咁暗啞,用嚟急救的確唔錯。不過因為含有高嶺土成分,味道就唔算討好。

<<更多編輯試用>>6款美顏油大測試!

 

編輯試用, 面膜, 急救肌膚, Bliss Triple Oxygen Instant Energizing Face Mask

2. Bliss Triple Oxygen Instant Energizing Face Mask
三重氧氣活膚急救面膜
HK$575/100ml

具有即時急救疲倦、暗啞肌膚的作用,可以用作抗菌護理,預防暗瘡粉刺出現。有效為肌膚注入水分和氧氣,即時均勻膚色和增強肌膚彈性。


滋潤度:★★★☆☆(3星半)(+11.8%)
亮肌度:★★★★☆(4星半)
柔滑度:★★★★☆
總評:呢款mask唧出嚟係gel狀,搽上面會變咗綿密泡泡,5分鐘之後泡泡幾乎被吸收晒,過水洗面後,皮膚即時變得好有光澤,仲幾滑,感覺皮膚有返生氣。適合化妝前使用。

<<更多編輯試用>>點評6款去黑頭產品!

 

編輯試用, 面膜, 急救肌膚, Nabelle Organic Honey Melissa Enzyme Masque

3. Nabelle Organic Honey Melissa Enzyme Masque
有機蜂蜜香蜂草酵素面膜
$548/ 100ml

蜂蜜蘊含豐富天然養分,有效強化肌膚保濕及鎖水能力,亦有效舒緩敏感狀況。南瓜酵素含天然乳酸、甘醇酸及水楊酸,能有效促進表皮細胞的新陳代謝,激活肌底細胞再生;木瓜酵素則能溫和地軟化角質層,剌激膠原蛋白再生,提升肌膚彈性和光澤,而頂級靈芝萃取有助排走毒素。


滋潤度:★★★☆☆ (+11%)
亮肌度:★★★☆☆
柔滑度:★★★★☆
總評:敷完感覺舒服,輕微泛紅嘅地方都有紓緩到,而且皮膚即時變得柔滑。不過味道有啲似蚊怕水,唔太討好。

編輯試用, 面膜, 急救肌膚, Elemis Fruit Active Rejuvenating Mask
4. Elemis Fruit Active Rejuvenating Mask
鮮果活性更生面膜             
HK$460/ 75ml


有效為乾性肌膚迅速補充水分。此乳霜狀面膜含草莓及奇異果活性精華,暗啞肌膚重拾光采。


滋潤度:★★★★☆(+12.5%)
亮肌度:★★★★☆
柔滑度:★★★★☆
總評:一邊敷一邊聞到好香甜嘅生果味,敷完之後皮膚明顯亮白咗,仲幾滋潤。

編輯試用, 面膜, 急救肌膚, La Biosthetique Masque Hydro-Sensitif

5. La Biosthetique Masque Hydro-Sensitif
鎖水舒緩抗敏面膜
HK$320/75ml


猶如肌膚養分補充劑,可增強肌膚屏障,更可使當中活性成分發揮極致功效:除可刺激肌膚的透明質酸自生,為肌膚長效保濕外,更特別加入抗敏成分,舒緩敏感肌膚的泛紅不適,同時亦可收緊毛孔及改善肌膚情況,締造更柔軟光滑的美麗肌膚,急救各類型問題肌膚。


滋潤度:★★★★★(+19.1%)
亮肌度:★★★☆☆
柔滑度:★★★★☆
總評:敷完之後,皮膚變得柔軟,減少咗粗糙感,而且滋潤度不錯呢!

You may also like